We're all met t'gither
Here t'sit an' t'crack
Wi' our glasses in our hands
And our wark upon our back
An' there's nae trade amang 'em
That can eithermend or mak'
If it wasna' for the wark of the weavers!

If it wasna' for the weavers,
What would y'do?
Y'wouldna' hae your cloth
That's made of wool
Y'wouldna' hae your cloak
Of the black or the blue
If it wasna' for the wark of the weavers!

The hireman chiels they mock us
And they crack aye aboot's
They say that we are thin-faced
An' bleached like cloots
But yet, for a' their mockery
They canna dae wi'oots
Na! They canna want the wark of the weavers!

If it wasna' for the weavers,
What would y'do?
Y'wouldna' hae your cloth
That's made of wool
Y'wouldna' hae your cloak
Of the black or the blue
If it wasna' for the wark of the weavers!

There's oor wrichts and oor slaters
And glaziers and a'
Oor doctors and oor ministers,
And them what live by law
And oor friends in Sooth Ameriky,
Tho them we never saw
But we ken they wear the work of the weavers!

If it wasna' for the weavers,
What would y'do?
Y'wouldna' hae your cloth
That's made of wool
Y'wouldna' hae your cloak
Of the black or the blue
If it wasna' for the wark of the weavers!

There's oor sailor and oor sodgers,
We ken they're a'bauld
But if they hadna' claes, faith,
They couldna fecht for cauld
The high and low, the rich and puir,
A'body yound and auld
They winna want the work of the weavers!

If it wasna' for the weavers,
What would y'do?
Y'wouldna' hae your cloth
That's made of wool
Y'wouldna' hae your cloak
Of the black or the blue
If it wasna' for the wark of the weavers!

There's folk that independent
Of other trademen's wark
The women need nae barber,
And the dykers need nae clark,
But none of 'em can dae
Wi'oot a coat or a sark
Na! They canna want the work of the weavers!

If it wasna' for the weavers,
What would y'do?
Y'wouldna' hae your cloth
That's made of wool
Y'wouldna' hae your cloak
Of the black or the blue
If it wasna' for the wark of the weavers!

The weavin' is a trade
That niver can fail
As lang as we need clothes
For t'keep anither hale
Sae let us all be merry
Wi' a beaker of guid ale
And we'll drink tae the health of the weavers!

If it wasna' for the weavers,
What would y'do?
Y'wouldna' hae your cloth
That's made of wool
Y'wouldna' hae your cloak
Of the black or the blue
If it wasna' for the wark of the weavers!