Brewer LadIn Perth there lived a bonnie lad A brewer tae his trade, O And he has courted Peggy Roy, A young and handsome maid, O. Wi' a fal dal diddle um a die dum doo, Wi' a fal dal diddle um a die do. He courted her for seiven lang years, A' for to gain her favour; But there cam' a lad oot o' Edinburgh toon, Wha swore that he would have her. Wi' a fal dal diddle um a die dum doo, Wi' a fal dal diddle um a die do. "It's will ye gang alang wi' me, And will ye be my honey; It's will ye gang alang wi' me, And leave your brewer laddie?" Wi' a fal dal diddle um a die dum doo, Wi' a fal dal diddle um a die do. "Oh, I will gang alang wi' you, And alang wi' you I'll ride, O; I'll gang wi' you to the ends o' the earth, Tho' I'm spoke to the brewer lad, O." Wi' a fal dal diddle um a die dum doo, Wi' a fal dal diddle um a die do. The brewer he cam' hame at e'en, A'speirin' for his honey; Her faither he made this reply: "She's no' been here since Monday." Wi' a fal dal diddle um a die dum doo, Wi' a fal dal diddle um a die do. Oh, wasna that an unco ploy, Wouldna' anyone been offended? To court wi' a lad for seiven years And leave him at the end o't. Wi' a fal dal diddle um a die dum doo, Wi' a fal dal diddle um a die do. "Oh, be it so and let her go, For it shall never grieve me; I'm a lad that's free, as you can see, And a sma' thing will relieve me. " Wi' a fal dal diddle um a die dum doo, Wi' a fal dal diddle um a die do. "There's as guid fish intae the sea, As ever yet was taken; I'll cast my net and try again, Although l am forsaken." Wi' a fal dal diddle um a die dum doo, Wi' a fal dal diddle um a die do. She's rambled up, she's rambled doon, She's rambled through Kirkcaldie, And mony's the time she's rued the day, She jilted her brewer laddie. Wi' a fal dal diddle um a die dum doo, Wi' a fal dal diddle um a die do. He's ta'en his course and away he's gane, The country he has fled, O; And he's left nae sark upon her back, Nor blanket on her bed, O. Wi' a fal dal diddle um a die dum doo, Wi' a fal dal diddle um a die do. The brewer lad set up in Perth, And there he brews strong ale, O; And he has courted anither lass, And ta'en her tae himsel', O. Wi' a fal dal diddle um a die dum doo, Wi' a fal dal diddle um a die do. Ye lovers a', where'er ye be, Just let this be a warning; And never slight your ain true love, For fear ye get a waur ane. Wi' a fal dal diddle um a die dum doo, Wi' a fal dal diddle um a die do. |